|
Venres, 12 Marzo 2010 17:37 |
UN TOTAL DE 56 MOZOS E MOZAS LEVARON A CABO UN PROXECTO DE RECUPERACIÓN MEDIOAMBIENTAL DA CONTORNA DA TORRE DE HÉRCULES QUE INCLÚE UNHA NOVA SENDA ENTRE O FARO E O AQUARIUM, UNHA PISTA DE CAMPO A TRAVÉS, UN NOVO MIRADOR...
NO ACTO DE CLAUSURA PARTICIPARON OS INTEGRANTES DA ESCOLA TALLER E MÁIS DE 350 ESCOLARES DOS DISTINTOS CENTROS PARTICIPANTES NO PROGRAMA ‘O VAGALUME DA TORRE’ OS QUE FIXERON UNHA ENTREGA SIMBÓLICA DA TORRE Á CIDADE
O Primeiro Tenente de Alcalde Henrique Tello presidiu esta mañá o acto de clausura da Escola Taller Torre de Hércules no que participaron un total de 56 mozos e mozas quen executaron un proxecto de recuperación medioambiental da contorna da Torre de Hércules. Unhas obras que foron inauguradas esta mesma mañá polo Primeiro Tenente de Alcalde. O Primeiro Tenente de Alcalde percorreu a nova senda que une a Torre de Hércules co Acuarium xunto cos membros da Escola Taller para posteriormente celebrar un acto de clausura no que participaron ademais os nenos e nenas de tres dos centros escolares que participaron no programa ‘O Vagalume da Torre’.
Neste acto tivo lugar unha entrega simbólica á cidade da Coruña dunha Torre de Hércules de porexpan feita entre todos os participantes e que foi rematada no propio Acuarium polo Primeiro Tenente de Alcalde e a Concelleira de Cultura, María Xosé Bravo, quen colocou a última das pezas.
O proxecto Contorna Torre de Hércules consta de dúas zonas claramente diferenciadas. Por unha banda atopámonos coa zona do “Campo da Lagoa”, a carón da praia das Lapas e por outra banda sitúase o parque de Punta Herminia. Diferenciando dous xeitos de actuación. A primeira actuación desenvólvese no “Campo da Lagoa”, con actuacións encamiñadas a consolidar as condicións paisaxísticas da contorna natural.
A segunda zona de actuación no “parque de Punta Herminia” con melloras que completen a contorna da Torre de Hércules.
|
|
Ler máis...
|
|
Venres, 12 Marzo 2010 14:30 |
O PP REXEITOU ONTE NO PARLAMENTO GALEGO UNHA PROPOSICIÓN NON DE LEI SOBRE A ORGANIZACIÓN DA FEIRAS DAS INDUSTRIAS CULTURAIS ‘CULTURGAL’ NO 2010
O GRUPO PARLAMENTARIO DO PP REXEITOU ASI MESMO ACEPTAR Á CIDADE DA CORUÑA COMO SEDE DESTE IMPORTANTE EVENTO DE APOIO AS INDUSTRIAS CULTURAIS GALEGAS GALEGO
A Concelleira de Cultura, María Xosé Bravo, lamentou a actitude de desprezo que continúa a manter a Xunta de Galiza coa cidade da Coruña ao negarse a aceptar A Coruña como sede para a celebración do vindeiro Culturgal o mesmo tempo que negou comprometer fondos para a celebración deste evento que tivo unha importante acollida no sector e converteuse nun apoio para á cultura galega.
A portavoz de cultura do BNG, Ana Pontón, defendeu onte, no Parlamento galego, unha Proposición non de Lei sobre a organización da Feira das Industrias Culturais “CULTURGAL” no ano 2010 que foi rexeitada polo grupo parlamentario do Partido popular.
A deputada do BNG, lamentou igual que a Concelleira de Cultura da Coruña, María Xosé Bravo, que o Partido Popular non aceptara a cidade de A Coruña para a celebración do próximo “CULTURGAL” e a falta de compromiso orzamentario para un evento, que cualificou de “grande éxito” en edicións anteriores.
A celebración do “CULTURGAL” durante os anos 2007 e 2008, tivo unha acollida moi favorable entre as industrias culturais, resultando ser un importante apoio para as asociacións do sector pero, “no ano 2009, a actual Consellaría de Cultura e Turismo decidiu suspendelo alegando falta de recursos para a súa organización”.
No pasado período de sesións, o BNG presentou unha iniciativa na que se instaba a Xunta de Galiza para que no ano 2009 se celebrara o CULTURGAL, baseándose nos anos 2007 e 2008 como “fito importante” na política de promoción, proxección das industrias culturais e elemento dinamizador da cultura galega.
|
|
Ler máis...
|
|
Xoves, 11 Marzo 2010 22:13 |
APRAZADA A VISITA DA DIRECTORA DO INSTITUTO DA MULLER, LAURA SEARA, QUE ESTABA PREVISTA PARA MAÑÁ AO CONCELLO DA CORUÑA
A Concellaría de Igualdade que dirixe a nacionalista Margarida Vázquez, iniciará mañá o deseño do Plan de Conciliación Municipal. Estaba prevista a visita da Directora do Instituto da Muller, Laura Seara, ao Concello da Coruña co fin de presentar e apoiar o inicio dos traballos para deseñar e aprobar o Plan pero finalmente a visita quedou aprazada.
En xaneiro deste ano, comezou a segunda fase do Proxecto Equilibrio cuxo obxectivo xeral consiste en apoiar e asesorar o deseño, a aprobación e a posta en marcha dun Plan de Conciliación en dez territorios de España. Para elixir aos concellos participantes neste fito, o Instituto da Muller en colaboración coa Federación Española de Municipios e Provincias (FEMP), abriron a correspondente convocatoria pública, para a cal o Concello da Coruña presentou a su solicitude de participación. O Concello da Coruña é a única entidade local galega que participa neste proxecto, xunto con outras administracións locais de todo o Estado.
Así, unha vez seleccionadas as dez Entidades Locais participantes, tivo lugar o pasado 19 de xaneiro na sede do Instituto da Muller en Madrid a primeira xornada informativa que contou con representantes deste Organismo, dos municipios e da FEMP. O encontro versou sobre o proceso metodolóxico que se utilizará para que cada municipio finalice este ano coa posta en marcha dun Plan de Conciliación.
|
|
Ler máis...
|
|
Xoves, 11 Marzo 2010 22:06 |
SERÁ O VENRES 12 DE MARZO DE 17.30 A 20.00 HORAS NO CENTRO DE INFORMACIÓN ÁS MULLERES
A Concellaría de Igualdade e Participación Cidadá que dirixe a nacionalista, Margarida Vázquez, organiza para o vindeiro venres 12 de marzo, un obradoiro baixo o título ‘Dereito de familia’ dentro dos seus ciclos anuais sobre dereitos básicos e educación en valores na infancia.
Efectivamente, o venres 12, entre as 17:30 e as 20:00 horas, a Asesora Xurídica do CIM (Centro de Información ás Mulleres) da Coruña, situado na rúa Hortensias s/n no Barrio das Flores, Araceli Mira García, impartirá este obradoiro co obxectivo xeral Proporcionar un marco xurídico básico no que situar as distintas relacións e situacións que afectan ás unidades familiares.
As persoas destinatarias son, principalmente, mulleres (sen límite de idade), tratándose neste contidos como as familias e o dereito, as relacións de parella e filiación, a ruptura das relacións de parella, os alimentos entre parentes e os dereitos das e dos menores.
A actividade terá lugar no propio CIM no barrio das Flores (rúa Hortensias, s/N) o venres 12 de 17.30 a 20.00 horas. As persoas interesadas poden inscribirse chamando ao teléfono do Centro: 981 18 43 56.
|
|
Mércores, 10 Marzo 2010 16:28 |
DESTACA A ACTIVIDADE ‘MULLERES, PORTADORAS DE CULTURA’ CO QUE SE AMOSA A REALIDADE CULTURAL TRASMITIDA POLAS MULLERES
Ao longo desta semana a Concellaría de Igualdade e Participación Cidadá que dirixe a nacionalista Margarida Vázquez continuará celebrando en diferentes Centros Cívicos Municipais as actividades relacionadas coa conmemoración do 8 de marzo, Día Internacional das Mulleres, destacando entre elas o obradoiro “Mulleres, portadoras de cultura’, xa desenvolto cunha salientable participación nos Centros de Monte Alto e Monelos e que se desenvolverá nos Centros de As Roseiras (11 de marzo), Castrillón (11 de marzo), Mallos (10 de marzo) e San Diego 11 de marzo).
Este obradoiro pretende amosar a realidade cultural transmitida polas mulleres, contando para iso cun aliado excepcional: a exposición “Mulleres, espello de culturas” que se pode visitar no Kiosco Alfonso ata o 4 de abril. Trátase dunha viaxe etnográfica e emotiva a través duna fragmentos de vida que nos permiten abordar temas universais e compartidos por todas as mulleres do mundo. Os tres grandes eixos desta exposición son familia, sociedade e divindade. O propio obradoiro inclúe unha visita guiada a esta interesante exposición ofrecida pola Fundación “La Caixa” en colaboración coa Concellaría de Cultura do Concello da Coruña.
Durante a vindeira semana continuará desenvolvéndose o obradoiro “Mulleres, portadoras de cultura” nos Centros de Labañou (16 e 18 de marzo), Mallos (24 de marzo), Artesáns (18 e 25 de marzo) e Pescadores (17 e 18 de marzo).
Todas as persoas interesadas en participar neste obradoiro deberán dirixirse ao seu Centro Cívico de referencia onde serán informadas do horario e data dispoñibles. |
|
Mércores, 10 Marzo 2010 16:16 |
OS TRES RESPONSABLES MUNICIPAIS AMOSARON O SEU REXEITAMENTO AO PLAN DE FORMACIÓN VOLUNTARIADO 2010 DA DIRECCIÓN XERAL DE XUVENTUDE E VOLUNTARIADO
ESTA MAÑÁ TIVO LUGAR UN ENCONTRO DE TRABALLO NO CONCELLO DA CORUÑA NO QUE COORDINOUSE O TRABALLO A DESENVOLVER NO FUTURO E ANALIZAR O PLAN DA XUNTA DE GALICIA
A través deste comunicado as areas de Solidariedade e Voluntariado dos Concellos de Cambre, A Coruña e Culleredo desexan mostrar o seu malestar ante a Xunta de Galicia e a Dirección Xeral de Xuventude e Voluntariado pola decisión unilateral de cobrar ás persoas voluntarias unha cota de inscrición no programa de formación de voluntariado 2010. A Concelleira de Mocidade, Solidariedade e Normalización Lingüística, Ermitas Valencia, mantivo unha reunión de traballo esta mañá cos concelleiros dos concellos de Culleredo, María Beatríz Pérez Mosquera, e Cambre, Antón Otero Domínguez, responsables das áreas de voluntariado nos diferentes municipios na que se coordinou o traballo a desenvolver no futuro e analizar o Plano de Formación de Voluntariado desenvolvido pola Xunta de Galicia co que ata agora viñan colaborando os distintos concellos.
No mes de xaneiro de 2010, a Xunta de Galicia, a través da Dirección Xeral de Xuventude e Voluntariado, púxose en contacto cos distintos concellos para invitalos a solicitar ao ente autonómico cursos de voluntariado para desenvolver nos nosos municipios.
Unha vez feita a solicitude, a Dirección Xeral de Xuventude e Voluntariado outorgou varios cursos que serán impartidos en espazos de competencia municipal dos concellos de Cambre e A Coruña.
A sorpresa foi cando o pasado día 26 de febreiro de 2010 a Dirección Xeral de Xuventude e Voluntariado colga na súa páxina WEB www.voluntariadogalego.org o Plan de Formación para o ano 2010 onde se reflicte que os cursos concedidos teñen un custo para cada persoa voluntaria
participante neles.
Cabe recordar que son cursos dirixidos a persoas voluntarias que precisan formación para desempeñar a súa labor solidaria, polo que cobrar pola súa inscrición nos cursos contravén o estipulado na a Lei 3/2000, do 22 de decembro de voluntariado de Galicia.
|
|
Ler máis...
|
|
Mércores, 10 Marzo 2010 16:06 |
TRATARANSE ENTRE OUTROS TEMAS AS REDES SOCIAIS, PROGRAMAS DE MENSAXERÍA E TAMÉN QUE PRECAUCIONS DEBEMOS TOMAR
A Biblioteca Municipal Sagrada Familia realizará o 15 e o 22 de marzo dúas xornadas baixo o nome ‘Qué fan os nosos fillos na Internet?’ no que se informará aos país das redes sociais, programas de mensaxería, ademais de falar das precaucións a tomar. A actividade terá lugar en horario de 19 a 21 horas.
Internet é algo cotián na vida dos menores. Pasan moitas horas conectados, tanto no colexio como na casa. A través de Internet temos acceso ao coñecemento, á comunicación, á creación… É un medio marabilloso, pero se non se toman as precaucións adecuadas, pode ser potencialmente máis perigoso que a rúa. Por iso hai que coñecer que riscos axexan na Rede e como combatelos. As ameazas poden vir desde unha posible fonte de infección do computador, ata unha suplantación de personalidade que pode desembocar nun mal encontro.
Como pais, nais, é a nosa obriga coñecer este mundo para poder educar aos nosos fillos e fillas no seu bo uso. Ao longo das dúas xornadas do curso coñeceremos as redes sociais, os programas de mensaxería, as precaucións a tomar, que recursos educativos usar, como manexar as situacións que se nos poden presentar…
|
|
Ler máis...
|
|
Mércores, 10 Marzo 2010 13:10 |
O BNG recada na Coruña novos apoios ao Manifesto Galiza Ten Dereito e o líder nacionalista afirma que “mobilizar a sociedade non significa só manifestarse na rúa, que tamén”
“É Zapatero e non un ministro ou un segundo dun ministro quen toma as decisións. Por iso Feijóo debe demandar unha entrevista con el”
O Bloque Nacionalista Galego celebrou esta mañá, nun céntrico hotel coruñés, un novo acto da xeira de encontros sectoriais que está a desenvolver nas cidades galegas para recadar novos apoios ao manifesto Galiza Ten Dereito, impulsado pola formación nacionalista e que foi asinado o 5 de Febreiro no Parlamento Galego por BNG, PP, CIG, UXT, CC OO e a Confederación de Empresarios de Galiza.
Nun encontro cos meios de comunicación previo ao comezo do acto, o líder nacionalista afirmou que “se o señor Feijóo” se resiste a apresentar un recurso de inconstitucionalidade contra o FROB é porque está condicionado pola posición política do seu partido “a nivel estatal”. Nós pensamos que si debería facelo (recorrer o FROB)”, aduciu o portavoz nacional, “se realmente quer explicitar diante do Goberno central que está disposto a ir a por todas neste tema”.
O dirixente nacionalista tamén foi interpelado polos meios a respecto das recentes declaracións de Manuel Vázquez nas que o secretario xeral do PSdeG deitaba sombras de dúbida sobre a solvencia da fusión galega. O portavoz nacional comezou por negar a maior e por se preguntar: “Se o debate fose a solvencia, entón que estaría a pasar noutras latitudes do Estado?”. Optou a seguir por “non levar os debates onde realmente non están” e considerou que a sociedade galega “non pode interiorizar” como problema o que non é -a presunta insolvencia- “se así o fixésemos”, matizou, “se o interiorizásemos así, estaríamos perdidos porque estariamos pensando en que isto non é unha cuestión política, senón técnica, e nós dicimos o contrario, non é técnica, é política”.
“De solvencias”, engadiu, “poderiamos falar ao longo e ancho do Estado español” e entón comprobaríase como “esas presuntas maiores ou menores solvencias se van resolver de maneira diferente en diferentes sitios”.
VODEVIL INASUMÍBEL
Aquí a cuestión é outra: é dilucidar se “temos dereito a termos caixas galegas e a que a nosa economía poda contar con aforro galego para o seu impulso, sabendo que a alternativa é que o noso aforro saia do País e sirva para desenvolver outros territorios”.
Argüíu que “o señor secretario xeral” do PSdeG-PSOE “pode intentar levar o tema por onde queira, pero eu preferiría que estivese nunha Posición de País, defendendo o que eu creo que maioritariamente defende esta sociedade”. Así actuarían, enfatizou, “algúns dos seus homólogos” do Partido Socialista “se estivesen en Euskadi, Andalucía ou Catalunya”.
A respecto da marcha das negociacións Goberno galego-Goberno español, manifestou a súa convicción de que “están a alcanzar un grao de vodevil absolutamente inasumíbel”.
“A Xunta debe rachar as negociacións e o señor Feijóo debe comparecer no Parlamento galego para explicarnos cal é a súa folla de rota”, dixo o líder do BNG, para quen o xefe do Executivo galego debe cambiar de táctica e pedir “unha entrevista co señor Zapatero”. Con Zapatero porque “é el quen toma as decisións e non un ministro nen o segundo dun ministro”. O encontro con Zapatero non sería para negociar nada, senón “para esixirlle a retirada do recurso”.
MOBILIZAR A SOCIEDADE
Explicou que entende o BNG pola mobilización da sociedade en defensa do seu dereito a dispor dun sistema financeiro propio. “Mobilizar unha sociedade non é exclusivamente falar de manifestarse na rúa, que, por suposto, que tamén. É algo máis que iso. É que, con independencia da posición dos grupos políticos e os axentes sociais, todas e todos nos impliquemos como cidadáns se queremos ter un futuro de dignidade para este País”.
Na súa opinión existe “unha moi boa base” para comezar a traballar, o Manifesto que se asinou o 5 de Febreiro. O espírito do Manifesto “debería contar co apoio da sociedade galega, si se me permite a expresión, por abaixo, de maneira que se explicite o que Galiza como sociedade pensa desta cuestión, e se iso pode concluír nunha manifestación, pois evidentemente si pode concluír”, aseverou ante os xornalistas.
A seguir o encontro cos medios, o portavoz nacional mantivo un animado intercambio de impresións con representantes de sectores sociais, empresariais, veciñais e sindicais da cidade e comarca da Coruña.
No acto estiveron presentes membros dos grupos municipais e provincial do BNG, encabezados por Henrique Tello e Pablo Villamar, respectivamente; a responsábel comarcal, Silvia Seixas; e o responsábel local, Afonso Sánchez. |
|
Martes, 09 Marzo 2010 19:02 |
A DIRECTORA DO INSTITUTO DA MULLER, LAURA SEARA, VISITARÁ O CONCELLO O VINDEIRO XOVES CO FIN DE PRESENTAR E APOIAR O INICIO DOS TRABALLOS PARA DESEÑAR E APROBAR O PLAN
O vindeiro día 11 de marzo, a Directora do Instituto da Muller, Laura Seara, visitará o Concello da Coruña co fin de presentar e apoiar o inicio dos traballos para deseñar e aprobar o Plan de Conciliación Municipal impulsado coa Concellaría de Igualdade e Participación Cidadá que dirixe a nacionalista Margarida Vázquez e que se inclúe no marco do Proxecto Equilibrio.
En xaneiro deste ano, comezou a segunda fase do Proxecto Equilibrio cuxo obxectivo xeral consiste en apoiar e asesorar o deseño, a aprobación e a posta en marcha dun Plan de Conciliación en dez territorios de España. Para elixir aos concellos participantes neste fito, o Instituto da Muller en colaboración coa Federación Española de Municipios e Provincias (FEMP), abriron a correspondente convocatoria pública, para a cal o Concello da Coruña presentou a su solicitude de participación. O Concello da Coruña é a única entidade local galega que participa neste proxecto, xunto con outras administracións locais de todo España.
Así, unha vez seleccionadas as dez Entidades Locais participantes, o tivo lugar o pasado 19 de xaneiro na sede do Instituto da Muller en Madrid, a primeira xornada informativa que contou con representantes deste Organismo, dos municipios e da FEMP. O encontro versou sobre o proceso metodológico que se utilizará para que cada municipio finalice este ano coa posta en marcha dun Plan de Conciliación.
A consecución dos fines operativos programados contará cun equipo de trabajo que, en función dunha metodoloxía creada ad hoc no marco do Proxecto, encargarase de asesorar e acompañar tecnicamente ás Entidades Locais. As labores a realizar, en estreita colaboración co persoal técnico do Concello da Coruña, consistirán na diagnose, a detección de fortalezas e áreas de mellora dos recursos do territorio que favorecen a conciliación e a corresponsabilidade da cidadanía e, tamén, xerarquizar as medidas que se poñerán en marcha a corto, medio e longo prazo. O resultado do asesoramento será o Plan de Conciliación Municipal que, avalado polo compromiso do Consistorio da Coruña, terá a posibilidade de comezar e executar as primeiras acciones programadas ate febreiro de 2011.
|
|
Ler máis...
|
|
Luns, 08 Marzo 2010 18:11 |
A EXPOSICIÓN PROPÓN UNHA VIAXE QUE REIVINDICA A CORRESPONSABILIDADE ENTRE HOMES E MULLERES, SEN MÁIS LÍMITE QUE A IMAXINACIÓN, POÑENDO EN VALOR OS MÚLTIPLES LOGROS ACADADOS E EVIDENCIANDO AQUELES SECTORES LABORAIS AINDA PROFUNDAMENTE MASCULINIZADOS
O ALCALDE E A CONCELLEIRA DE IGUALDADE INAUGURARÁN A MOSTRA HOXE ÁS 19.30 HORAS NA SALA DE EXPOSICIÓNS DO PAZO DE MARÍA PITA
Hoxe luns 8 de marzo, Día Internacional das Mulleres, a Concellería de Igualdade e Participación Cidadá que dirixe a nacionalista Margarida Vázquez, inaugurará a exposición ‘Visibilidade’. A partir de ‘Resetea: Cambia o teu rol’, ao que únense uns textos que conforman un percorrido reflexivo arredor dos traballos e profesións, a Concellaría de Igualdade e Participación Cidadá proponnos unha viaxe que reivindica a corresponsabilidade entre homes e mulleres, sen máis límite que a imaxinación, poñendo en valor os múltiples logros acadados así como evidenciando aqueles sectores laborais aínda profundamente masculinizados.
A cita é na sala de exposicións de María Pita, ás 19:30 horas, cando teña lugar a inauguración da mostra á que asistirán algúns e algunhas das protagonistas desta exposición fotográfica.
O Alcalde, Javier Losada, e a Concelleira de Igualdade e Participación Cidadá, Margarida Vázquez, serán os encargados de abrir esta exposición pública, a cal permanecerá no Palacio de María Pita ata o próximo 4 de abril.
Para a difusión deste acto na Coruña e área metropolitana a Concellaría encargou 10.000 postais coa imaxe de Fran González, xogador do Deportivo, e Pili Neira, cinco veces campioa de España, xogadora do Karbo Deportivo e Seleccionadora galega de fútbol, que se entregan de agasallo coa guía de ocio GO.
‘Traballando de igual a igual’
Por outra banda, os tres Espazos de atención á infancia, situados no Centro de Emprego das Roseiras, no Centro Cívico do Castrillón e no Centro Cívico de Monte Alto, dedicarán o día de hoxe ao obradoiro TODOS E TODAS TRABALLANDO DE IGUAL A IGUAL, onde os máis pequenos aprenderán sobre as diferentes profesións superando os estereotipos de xénero que moitas delas levan asociados. |
|
|
