|
Martes, 13 Xullo 2010 23:35 |
A respecto do acordo acadado entre o Alcalde e o Presidente da Autoridade Portuaria para ver de desbloquear a situación do aparcadoiro do Parrote o Grupo Municipal do BNG quere deixar constancia das seguintes consideracións:
1. É unha boa nova, e non sen tempo, que a Autoridade Portuaria se aveña a falar do tema co Concello da Coruña
2. Sendo o inicio de acordo a resituación da edificabilidade terciaria que o Plan Especial do Porto establece para ese ámbito, que lembremos o BNG non aprobou no seu día entre outras razóns por excesiva, noutros espazos portuarios estamos no bo camiño.
3. Agardaremos ao resultado dos traballos da comisión paritaria Concello-Porto para ver a proposta, que deberá ser absolutamente respectuosa co valor patrimonial do Baluarte do Parrote e propoñer unha integración acorde co carácter de borde marítimo histórico dese enclave.
|
|
Martes, 13 Xullo 2010 15:42 |
A Casa Museo Casares Quiroga acolle mañá a conferencia ‘Os republicanos ante a crise’ organizada polo Centro de estudos históricos, políticos e de opinión Nuevos Republicanos.
Presentará o acto Celestino Poza Domínguez, Concelleiro de Cultura do Concello de Culleredo e contará coa intervención de Javier Ruipérez Alamillo, catedrático de Dereito Constitucional da Universidade da Coruña e membro do Ateneo Republicano de Galicia.
A cita será mañá mércores 14 de xullo ás 20.30 horas na Casa Museo Casares Quiroga. |
|
Luns, 12 Xullo 2010 16:33 |
O Consorcio de Turismo, na súa última Xunta de Goberno do pasado 9 de xullo, aprobou as bases para a contratación da persoa que ocupara a xerencia do consorcio. As bases poden descargarse dende hoxe na páxina web de Turismo. O anuncio da convocatoria publicarase en tres diarios da maior difusión.
Entre os obxectivos do Consorcio figura a procura dunha xerencia que teña un profundo coñecemento do Plan Director de Turismo e que sexa quen de implementalo coa incorporación das novas tecnoloxías.
Ademais a persoa seleccionada terá que ter unha gran capacidade de organización, planificación e xestión económica para manter o excelentes resultados turísticos que ten obtido o Consorcio dende primeiros de ano.
|
|
Luns, 12 Xullo 2010 16:17 |
|
O xurado designado para o concurso de Tapas Picadillo visitará o mércores 14, de 10 a 16 horas os establecementos que quedaron finalistas tanto na modalidade de Tapas Creativas como de Tapas Tradicionais.
O xurado está integrado por Luís Padín (experto en gastronomía); Taky (cociñeiro de Boketé catering); Luís Veira (cociñeiro do Restaurante Alborada); Cristóbal Atienza (secretario da Asociación de Prensa da Coruña) e Mario López Rico (concelleiro de Reabilitación Urbana e Vivenda). |
|
Ler máis...
|
|
Venres, 09 Xullo 2010 17:01 |
|
Seis empresas optan ao concurso para a creación da Marca de Cidade da Coruña. A xunta de goberno do Consorcio de Turismo, o órgano designado para supervisar este procedemento, abriu hoxe os sobres que conteñen as propostas técnicas para a creación da Marca.
Unha vez corrixidos os erros administrativos das empresas que se presentaron, as seis que resultaron válidas para a súa participación no concurso foron as seguintes: UTE Vorago Tecnología S.L+White Spirit S.L; Idea Creatividad y Comunicación S.L; Ninfa, Riveiro, Martínez S.L; Consultoría en imagen, acción y comunicación S.A; Item Aga S.L; Be Republics Networks S.L.
A partir de agora un Comité de Expertos, integrado por profesionais altamente cualificados avaliará cada unha das propostas presentadas. O concurso conta cun orzamento de 35.000 euros (sen IVE). A Marca de Cidade deberá proxectar a imaxe coa da Coruña para atraer aos potenciais turistas. A creación da marca é a principal prioridade establecida no Plan Director de Turismo, polo que A Coruña entra así nunha etapa sumamente importante para o seu futuro como destino turístico.
A Xunta de Goberno avaliou tamén como moi positivos os datos do Turismo coruñés no pasado mes de Xuño. Neste sentido compre salientar que no pasado mes incrementouse a ocupación hoteleira na Coruña un 10,52€ fronte ao ano pasado e case 30.000 turistas que en 2009, teñen visitado A Coruña no presente ano.
A nova Marca turística da cidade da Coruña, debe servir para un grande lanzamento publicitario da Coruña a partir do mes de setembro, en preparación da campaña turística para o 2011 que, como en anos anteriores, será presentada en FITUR. |
|
Venres, 09 Xullo 2010 13:13 |
O día 7 de xullo rematou a formación dos voluntarios e voluntarias que formarán o equipo de mediación en conflitos veciñais, recurso que a Concellaría de Igualdade e Participación Cidadá porá en marcha no mes de setembro.
O proceso formativo dos futuros mediadores e mediadoras veciñais deu comezo no mes de maio, abordando temáticas sobre emocións, comunicación, resolución de conflitos, lexislación e, neste último módulo, sobre a mediación veciñal en contextos interculturais.
Na formación, impartida por profesionais de recoñecido prestixio, empregouse unha metodoloxía totalmente participativa, co obxecto de capacitar ao alumnado para as futuras actuacións nos procesos de resolución de conflictos veciñais.
Desde a Concellaría de Igualdade e Participación Cidadá expresouse o agradecemento ás persoas que se involucraron e implicaron neste proxecto, a Alba, Alfredo, Carmen, Inma, Juan, Luis, Manuel, Merce, Mercedes, Pablo e Rosa, e polo grande traballo que están a realizar. Subliñaron, así mesmo, desde a concellaría que todas estas persoas forman un magnífico grupo de mediadoras e mediadores veciñais, e serán quenes formen parte da primeira equipa voluntaria-profesionalizada do programa.
|
|
Venres, 09 Xullo 2010 13:00 |
|
O vindeiro domingo clausúrase a exposición de Isabel Coixet ‘From I to J’
O vindeiro domingo clausúrase a exposición de Isabel Coixet ‘From I to J’ na que a cineasta rende unha homenaxe persoal ao escritor, pensador e artista John Berger. Un momento da inauguración da exposición o pasado 10 de xuño
Máis de 4.000 persoas pasaron nestes días pola antiga prisión provincial para ver a exposición e participar nos distintos actos que se organizaron arredor da mesma.
A instalación neste espazo carcerario, escenario ideal para recrear a experiencia sensorial do texto de Berger ‘From I to J’, sorprendeu ao público asistente non podendo subtraerse ás experiencias e vivencias das moitas persoas que pasaron pola cárcere, pagando coa privación da liberdade, e en ocasións coa propia vida, a defensa das súas ideas.
A mostra organizada pola Concellaría de Cultura que dirixe a nacionalista María Xosé Bravo en colaboración coa Deputación da Coruña e a Xunta de Galicia e Raíña Lupa Edicións, poderá visitarse ata o domingo en horario de 12.00 a 14.00 horas e de 18.00 a 21.00 horas. |
|
Xoves, 08 Xullo 2010 17:44 |
|
O evento, que se desenvolve na explanada de Riazor ata o 12 de xullo, conta con reproducións de pazos, casas rurais e outros elementos identificativos da arquitectura tradicional galega. A partir do día 16 e ata o 22 de xullo Fergal trasladarase aos Xardíns de Méndez Núñez.
A Feira de Galiza, que se presentou e se desenvolveu en Madrid durante o mes de maio, cunha afluencia de máis de 100.000 visitantes, está prposta como un auténtico Parque Temático de Galiza, e pretende ser un lugar de encontro onde a protagonista é a gastronomía, a artesanía e a oferta turística. O principal carácter diferenciador da Feira de Galiza é o peculiar diseño do espazo onde se desenvolve. Os visitantes terán a sensación de atoparse dentro dunha Galicia esencial e en miniatura, xa que os postos que acollen as distintas propostas son reproducións dos pazos e casas rurais. |
|
Ler máis...
|
|
Xoves, 08 Xullo 2010 17:31 |
O concelleiro de Deportes, Xan Xosé Martínez Caxigal, presentou esta mañá o I Open Canino de Agility Trofeos Cidade da Coruña que terá lugar a vindeira fin de semana e que se organiza en colaboración coa Sociedade Cinolóxiga Galega Expogal. O programa de actividades arrancará o sábado ás 10.00 horas co Concurso canino para cans sen pedigree no que poderán participar todos os cans, sexan cans mestizos ou exemplares de pura raza que non posúan pedigree. A inscrición dará comezo ás 10.00 horas e o comezo do concurso terá lugar ás 11.00 horas.
Este concurso tan e como sinalou o organizador, Javier Davila, está pensado para difundir a cultura canina na cidade, fomentado a educación e o respecto entre os asistentes.
|
|
Ler máis...
|
|
Xoves, 08 Xullo 2010 17:10 |
A escalinata da Domus acollerá mañá ás 21.00 horas a actuación do grupo Tiruleque dentro do ciclo de concertos Son de Noite organizados pola Concellaría de Cultura que dirixe a nacionalista María Xosé Bravo.
Tiruleque nace como proxecto na primavera do 2002, consecuencia das inquedanzas musicais de seis rapaces, todos eles chegados do mundo da música tradicional. Bebendo nas fontes desa tradición musical galega -tanto a través de recollidas como recorrendo aos cancioneiros pero tendo tamén presentes outras moitas influencias.
O obxectivo do grupo é acadar o seu propio son, identificábel tanto en temas tradicionais como nas composicións propias, campo polo que o grupo mostra unha maior predilección. Nas súas actuacións están presentes instrumentos claramente unidos á música tradicional galega, mais empregados ao xeito propio do grupo, reinterpretando en certa maneira á tradición. |
|
|
