As actuacións serán no Parque de Santa Margarida o 17 e 18 de xullo.

O parque de Santa Margarida acollerá a próxima fin de semana o Festival ‘Vai de Camiño 2009’ organizado pola Concellaría de Cultura que dirixe a concelleira nacionalista María Xosé Bravo, e que contará coa actuación de Siniestro Total e Igloo como cabezas de lista.

A entrada aos concertos será de balde e as actuacións comezarán, tanto o venres 17 de xullo como o sábado 18 de xullo, ás 20.00 horas.

Así o venres ademais de Siniestro Total poderemos bailar coa música de Tarú e os Paxaro Coiro,  Galegoz e, Os Tres Trebóns e Amigos.

O sábado será o turno de Igloo, Elanor, John Deeres, Spinning Jenny, Chamalle Xis!, Scandal e Igloo.

Unha fin de semana musical na que poderemos facer un percorrido polos distintos estilos musicais dende música electrónica, reggae, funk, soul, rock,  pop, bossanova...