Inicio 
Cultura Descarga ao Vivo fusionará a música galega e cubana no Teatro Rosalía de Castro o próximo 23 de xullo.
Cultura Descarga ao Vivo fusionará a música galega e cubana no Teatro Rosalía de Castro o próximo 23 de xullo.
| Descarga ao Vivo fusionará a música galega e cubana no Teatro Rosalía de Castro o próximo 23 de xullo. |
 |
 |
 |
| Xoves, 16 Xullo 2009 16:32 | |||
A Concelleira de Cultura, María Xosé Bravo, presentou esta mañá o espectáculo Descarga ao Vivo que chegará ao Teatro Rosalía de Castro o próximo 23 de xullo, un espectáculo que fusiona a música galega e cubana. Así, o Rosalía de Castro vibrará ao son do danzón e da guajira, da muñeira e da Habanera. ‘Trátase dunha investigación musical de Ramón Pinheiro que xorde dun libro: A la Habana quiero ir’. La música gallega en Cuba (Sotelo Blanco, 2009). Un repertorio emblemático, nalgúns casos inédito e noutros longamente esquecido.Unha orquestra mixta, cuns arranxos entre o jazz latino e o folk europeo. Un elenco musical de excepción dirixido artisticamente por Ramón Pinheiro e con tres directores musicais: - Alejandro Vargas: Profesor do ISA (Instituto Superior de Artes) de Cuba, compositor e arranxos. Con “Trapiche” recibiu o premio Cubadisco ao mellor disco de jazz en 2008. - Pedro Pascual: Profesor de acordeón diatónico na Central Folque. Compositor, arranxista, produtor musical e músico de Marful e Talabarte Trío. - Marcos Teira. Compositor, arranxista e recoñecido intérprete de guitarra flamenca. Músico de Marful, Narf e U-lo trío. Vén de sacar o seu segundo disco Alí. Cuns arranxos musicais entre o jazz latino e o folk europeo, a Descarga ao Vivo preséntase en tres concertos exclusivos: 23 de xullo na Coruña, 25 en Compostela e 30 de xullo en Vigo. Entre os 12 temas que interpretarán soarán melodías emblemáticas para a emigración galega coma a ‘Alborada de Veiga’ ou ‘Un adiós a Mariquiña’ e temas inéditos como ‘O Indiano’ de Ricardo Fortes Albarellos, ‘Del Ferrol a La Habana’ de Juán Parga ou o tema ‘Cuba-Galicia’ do compositor cubano Guillermo Tomás. A Descarga ao vivo nace dun acordo de colaboración entre a Central Folque (Centro Galego de Música Popular) e o ISA (Instituto Superior de Arte) cubano. Profesores de ambos centros conforman esta orquesta mixta que nos achegará a finais de xullo os sons que facían a capital cubana. Nos concertos da Coruña e Vigo ademais poderase adquirir exemplares do libro deste investigador vigués.
|