A PROBA COMEZARÁ ÁS 09.00 HORAS E TERÁ LUGAR NO CIRCUITO DA TORRE DE HÉRCULES ACONDICIONADO POLA ESCOLA OBRADOIRO CONTORNA DA TORRE DE HÉRCULES

O vindeiro domingo 7 de marzo terá lugar o XCII Campionato de España de Campo a través no circuíto da Torre de Hércules. Organiza a Concellaría de Deportes que dirixe Xan Xosé Martínez Caxigal.

A proba, na que se prevé que participen máis de 750 atletas, desenvolverase en base a equipos de Comunidades Autónomas, pudendo cada Autonomía inscribir un equipo por categoría.

A competición comezará ás 9.00 horas do sábado 7 de marzo sendo a última das probas ás 13.30 horas. O total do circuíto será de 2 quilómetros para o completo e 1,75 quilómetros o pequeno.

Neste campionato estableceranse dúas clasificacións, individual e por equipos de comunidades autónomas. A orde de colocación dos equipos nas saídas establecerase por sorteo que se realizará na RFEA. Os atletas que non puntúen por ningunha comunidade autónoma, se situarán cada un no mesmo lugar que lle corresponda á comunidade autónoma á que pertenzan.

O Concelleiro do BNG destacou a labor realizada pola Escola Obradoiro Contorna Torre de Hércules encargados do acondicionamento do circuíto, no que levan desde o pasado mes de novembro traballando a fin de que todo estea en perfectas condicións para realización da proba.